Summer book festival '09

Издавачкиот центар ТРИ од денеска го започнува својот традиционален Летен фестивал на книгата. Во Кафе книжарницата ТРИ во ГТЦ, сите изданија ќе се продаваат со попуст од 20 до 50%, а голем попуст имаат и монографските изданија на светскиот издавач ТАШЕН.

Почитувани читатели, поради неодамнешното зголемување на цената на услугите од страна на АД Македонска пошта, принудени сме да направиме промена на цената за испорака на книгите нарачани преку нашата интернет книжарница. Новата цена на поштенските услуги од 01.07.2009 изнесува 90 денари по нарачка, без разлика на бројот на нарачаните книги.

Како и секоја година до сега, на саемот на книга Издавачкиот центар ТРИ ќе ве пречека со најновите и најатрактивни наслови кои го окупираат светското читателско внимание.

Романот „Индиго Бомбај“ на Јагода Михајловкса-Георгиева е овогодинешниот добитник на наградата „Роман на годината“, што ја доделува „Утрински весник“. Во конкуренција од вкупно 34 романи кои беа доставени на конкурсот, жири комисијата составена од Блаже Миневски, Методија Фотев, Ким Мехмети, Ангелина Бановиќ-Марковска и Ѕвездан Георгиевски одлучи ова годинешното признание, инаку јубилејно, 10-то, да го додели на романот Индиго Бомбај, издание на Издавачкиот центар ТРИ.