Започна летниот фестивал на книгата

Книга за бамбусот претставува метафора за раѓањето на една филозофија низ билката која ги допира човечките прсти и се враќа на својот дефинитивен облик. Бамбусот е главен лик и предмет на човечките мисли и желби, тој е врската меѓу две култури (јапонската и кинеската), врската помеѓу човечките судбини; тој ги определува настаните, преземајќи ја вината врз себе. Книга за бамбусот е книга за некои други светови, кои најчесто го претставуваат светот на нашите сништа.

И по 800 години да се остане животворен е нешто што им е својствено само на исклучителните умови, кои, додека биле живи, не живееле само за себе и својот ограничен семеен или поширок круг луѓе, туку своето постоење го претвориле во мисла и порака упатена до сите од Бога создадени живи суштества на светот. Мевљана зад себе остави огромно дело, кое ги надвишува вековите и сите можни бариери. За големиот мистик, освен Создателот, не постојат никакви други граници, па ни во самата поезија.

Запомни ги нашите прекрасни спомени, но немој да се плашиш да создаваш и нови... Холи и Гери имаа совршен живот - среќно оженети, живееја во Даблин блиску до своето семејство и пријатели, добро се забавуваа, накратко - светот им беше под нозете. Кога Гери почина, Холи мислеше дека не може да живее без него. Ден пред нејзиниот триесетти роденден, човекот кој и беше љубовник и најдобар пријател ја напушти. Но Гери и ветил дека секогаш ќе биде до неа. И беше. И остави пораки. Холи секој месец чита нова...

Исто како што Уметноста на војувањето од Сун Цу повеќе се чита како лекција по бизнис стратегија отколку како лекција по војување во војничката смисла на зборот, или како што Владетелот на Макијавели, иако е напишан за владеењето, се користи како водич за менаџментот, така и оваа книга го користи креативниот процес на добро рекламирање како метафора за деловната практика.